Главная » Скачать музыку


Birlashgan Arab Amirliklarining «Al-Jazira» klubi xavbeki Lassana Diarra yana Fransiya chempionatiga qaytishi mumkin.
Paris United nashri tarqatgan xabarga ko'ra 32 yoshli fransiyalik futbolchiga PSJ klubi jiddiy qiziqish bildirmoqda. Ushbu transfer yaqin vaqtlar ichida amalga oshirilishi mumkin.

Eslatib o'tamiz, Diarra o'z vaqtida Maxachkalaning “Anji” klubida (2012-2013) hamyurtimiz Odil Ahmedov bilan, keyinroq esa Moskvaning “Lokomotiv” klubida (2013-2014) terma jamoamiz himoyachisi Vitaliy Denisov bilan birga to'p surgan. Ayni damda esa “Al-Jazira”da yana bir o'zbekistonlik futbolchi Sardor Rashidov bilan birga harakat qilib kelmoqda.

manba: sport.uz

Категория: Qiziqarli sport yangiliklari / futbol xabarlari |  Добавил: G‘anisher | Дата: 20.12.2017 | Комментарии (0)


Madridning “Real” hamda Kataloniyaning “Barselona” klublari o`rtasidagi Ispaniya Superkubogi bahslari o`tkaziladigan sanalar aniq bo`ldi.

Marca nashri tarqatgan xabarga ko`ra superkubok uchun dastlabki o`yin 13 avgust kuni “Kamp Nou”da, javob uchrashuvi esa 16 avgust kuni “Santyago Bernabeu”da o`tkaziladi.

Bundan tashqari Ispaniya qirolligi futbol federasiyasi La Liganing yangi mavsumi qaysi kuni start olishini ham e`lon qildi. Unga ko`ra 19 iyul kuni musobaqaning dastlabki turiga start beriladi. Musobaqaning so`nggi turi esa 20 may kuniga rejalashtirildi.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 14.07.2017 | Комментарии (0)


“Paxtakor” klubining hozirgi stadioni buzilib, o`rniga ikki yil ichida yangisi bunyod etiladi, deb xabar beradi “kommersant.uz”.

Klub prezidenti Bobur Shodievning so`zlariga ko`ra, yangi stadion 30 ming nafargacha tomoshabinni sig`dira oladi. U zamonaviy texnologiyalar asosida barpo etilib, respublikadagi to`liq yopiq ikkinchi futbol stadioni bo`ladi.

Yangi stadion loyihasi yaqin vaqtda hukumatga ko`rib chiqish uchun taqdim etiladi. Uning qiymati va moliyalashtirish manbalari e`lon qilinmayapti.

Klub matbuot xizmati ma`lumotlariga ko`ra, “Paxtakor” klubi “Jar” sport majmuini 2018 yil oxiriga qadar ijaraga olgan. Jamoa o`zining mashg`ulotlarini mana shu maydonda o`tkazadi.

“Paxtakor” stadioni qurilishi 1956 yilda yakunlangandi. Hozirda u 35 ming tomoshabinga mo`ljallangan.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 12.07.2017 | Комментарии (0)


Madridning “Real” klubi himoyachi Xesus Valexo bilan rasman shartnoma imzoladi va uni rasman tanishtirdi.

Qayd etish joiz, Valexoga 10 yil “Real”da to`p tepgan Pepening raqami berildi.

Ma`lumot uchun Valexo yakunlangan mavsumda ijara asosida nemis klubida to`p surdi va Bundesligada 25 ta o`yin o`tkazib, bitta gol kiritdi. Bundan tashqari yana bitta golga assistentlik qildi.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 08.07.2017 | Комментарии (0)


Angliyaning “Manchester Siti” klubi futbolchisi Gael Klishi faoliyatini Turkiyaning “Istanbul Bashakshexir” klubida davom ettiradi.

Mirror nashrining xabar berishicha, tajribali himoyachi yangi jamoasi uchun tibbiy ko`rikdan muvaffaqiyatli o`tdi va tomonlar shartnoma imzoladi.

Ma`lumot uchun, Klishi 2011 yildan buyon “shaharliklar” safida to`p surib kelayotgan edi va “Manchester Siti” bilan ikki bor APLda g`olib bo`ldi va yana shuncha marta Angliya Liga Kubogini qo`lga kiritdi.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 07.07.2017 | Комментарии (0)


Londonning "Chelsi" klubi himoyachisi Jon Terri tez orada "Aston Villa" bilan shartnoma imzolaydi, deb xabar bermoqda ESPN nashri.

Ma`lum bo`lishicha, 36 yoshli futbolchi 48 soat ichida Chempionship vakili "Aston Villa" klubi a`zosiga aylanadi.

Angliyalik futbolchiga bir qator klublar qiziqish bildirgandi, ammo u yakunda aynan “Aston Villa”ni tanlashga qaror qildi.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 03.07.2017 | Комментарии (0)


Shu kunlarda Rossiya yashil maydonlarida futbol bo`yicha Konfederasiyalar Kubogi musobaqasi bo`lib o`tmoqda. O`tgan hafta so`nggida turnirning guruh bosqichi o`z yakuniga etgan va yarim final ishtirokchilari nomi ma`lum bo`lgan edi.

FIFA rasmiy saytining xabar berishicha, yarim finaldan o`rin olgan Portugaliya va Chili terma jamoalari o`rtasidagi bahsni Alirizo Fag`oniy boshchiligidagi eronlik hakamlar brigadasi boshqarib boradi.

E`tiborlisi, uchrashuv videoassistentlari qatorida o`zbekistonlik Ravshan Ermatov ham bor. Hamyurtimizga shu kuni Abdula Alshalvai (Saudiya Arabistoni) va Jayr Marrufolar (AQSh) yordam berishadi.

Eslatib o`tamiz, Portugaliya – Chili o`rtasidagi yarim final bahsi 28 iyun kuni Qozon shahridagi“Qozon Arena” o`yingohida bo`lib o`tadi. Uchrashuv Toshkent vaqti bilan soat 23:00da start oladi
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 27.06.2017 | Комментарии (0)


Portugaliya terma jamoasi KK–2017 musobaqasi “A” guruhi 3-turida Yangi Zelandiyaga qarshi bahs olib borib, 4:0 hisobida zafar quchdi.

Portugaliya terma jamoasi sardori Krishtianu Ronaldu Konfederasiyalar kubogida Yangi Zellandiya terma jamoasiga qarshi bahsda 11-metrlik jarima to`pini golga aylantira oldi.

Bu “Real” hujumchisining joriy mavsumda barcha turnirlarda kiritgan 56-goli bo`ldi. U 55 ta uchrashuvda qatnashib, shuncha gol urishning uddasidan chiqdi.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 25.06.2017 | Комментарии (0)


“Manchester Yunayted” jamoasi rahbariyati “Roma” futbolchisi Raja Nainggolanga qiziqmoqda.

“Qizil ibislar” Belgiya terma jamoasi a`zosiga yiliga soliqlardan tashqari 7,5 million evrolik shartnomani taklif etdi.

Ammo futbolchi inglizlarning bu taklifini rad etdi va uni Italiyada barcha narsa qoniqtirayotganini ma`lum qildi.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 25.06.2017 | Комментарии (0)


Madridning “Real” jamoasi hujumchisi Mariano Dias o`z faoliyatini Fransiyada davom ettirish mumkin.

L’Equipe nashrining xabar berishicha, uning xizmatlariga “Lion” qiziqish bildirgan. Fransuz klubi yosh futbolchini jamoani tark etishi kutilayotgan Aleksandr Lyakazettga o`rinbosar sifatida qaramoqda.

Madridliklar Diasni qayta sotib olish sharti bilan 15 mln evroga transfer qilishga tayyorlar. “Lion” esa 10 mln evro taklif qilmoqda.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 25.06.2017 | Комментарии (0)


Italiya yoshlar terma jamoasi kecha Daniyaga qarshi yoshlar o`rtasidagi Evropa chempionatining ilk uchrashuvini o`tkazdi.

"Milan" darvozaboni Janluiji Donnarumma Italiya terma jamoasini darvozasini qo`riqlaydigan tomonda qiziqarli holat yuz berdi.

"Milan"ning ashaddiy muxlislari klub bilan yangi bitim tuzishni istamagan posbon darvozasiga dollar sochishdi. Ammo ular sohta edi.
Manba: Darakchi.uz

Категория: Qiziqarli sport yangiliklari / futbol xabarlari |  Добавил: Admin | Дата: 19.06.2017 | Комментарии (0)


Madridning “Real” klubi hujumchisi Krishtianu Ronaldu Chempionlar ligasi finali oldidan Messi haqida ijobiy fikrlar bildirdi. Bu haqda “Sports.ru” Krishtianuning FOX Sports Argentina’ga bergan intervyusiga tayanib ma’lumot taqdim etdi.

Ha, Messi menga yoqadi. Men yaxshi futbolchilar ishtirokidagi o‘yinlarni tomosha qilaman, Messi esa ulardan biri. U yulduz va namoyish qiladigan futboli zavqli.

Qanday qilib menga yomonlik qilmagan odamni yomon ko‘rishim mumkin?! Messidan men haqimda so‘raganlarida ham faqat yaxshi gaplarni aytgan. Chunki o‘rtamizda iliq munosabat bor, bir-birimizni hurmat qilamiz. Bizni hayotda ham raqiblardek ko‘rsatish OAVning ishi. Ahir ular ham biznes qilishi kerak.

To‘g‘ri, biz Messi bilan do‘st emasmiz, u bilan tushlik qilmaymiz. Biroq bir-birimizni hurmat qilamiz. U menga dushman emas, balki hamkasb. Messi bilan so‘nggi o‘n yil davomida bir qator taqdirlash marosimlarida birga ishtirok etganimiz ham aloqalarimizni yaxshilayd ... Читать дальше »

Категория: Qiziqarli sport yangiliklari / futbol xabarlari |  Добавил: G‘anisher | Дата: 02.06.2017 | Комментарии (0)


Fransiyaning “Nissa” klubi hujumchisi Mario Balotelli “Oltin to`p” sovrini haqida gapirar ekan, uni qo`lga kiritish uchun Messi va Ronalduni yo`q qilishi kerakligi haqida hazilomuz izoh berdi.

“Oltin to`p” sovrinini olishni istasam, men Ronaldu va Messini o`ldirishim kerak. Chunki ko`p mehnat qilsam ham bu sovringa erisha olmasligimni o`zim ham bilaman. Yaqin kunlar ichida ta`tilga ketaman, Chempionlar ligasi finalini ko`rmayman”, – deydi Balotelli.

Ma`lumot uchun, Lionel Messi 5 karra, Krishtianu Ronaldu esa 4 karra “Oltin to`p” sohibi sanaladi.
Manba: Darakachi.uz

Категория: Qiziqarli sport yangiliklari / futbol xabarlari |  Добавил: Admin | Дата: 27.05.2017 | Комментарии (0)


O‘zbekiston terma jamoasining 1994-yilgi Osiyo o‘yinlarida g‘olib chiqishida mehnat qilgan sobiq futbolchi Ulug‘bek Ro‘zimov vafot etdi. Bu haqda “Championat.asia” nashri ma’lumot berdi.

1968-yilning 15-avgustida dunyoga kelgan Ulug‘bek Ro‘zimov futbolchilik faoliyatini 1985-yil “Xorazm” klubida boshlagandi. U keyinchalik karyerasining asosiy qismini Toshkentning “Paxtakor” jamoasi tarkibida o‘tkazdi.

Ulug‘bek Ro‘zimov 1994-yil Yaponiyaning Xirosima shahrida bo‘lib o‘tgan XII Osiyo o‘yinlarida g‘olib chiqishga muvaffaq bo‘lgan. Rustam Akromov va Birodar Abduraimov murabbiylik qilgan O‘zbekiston termasiga chaqirilgan Ro‘zimov vafotiga qadar “Paxtakor” akademiyasida ishlab kelayotgandi.

Sobiq futbolchining o‘limiga aynan nima sabab bo‘lgani ma’lum qilinmagan.

Manba: Daryo.uz

Категория: Qiziqarli sport yangiliklari / futbol xabarlari |  Добавил: G‘anisher | Дата: 09.05.2017 | Комментарии (0)


Poytaxtdagi “O`zbekiston” sport majmuasida boks bo`yicha o`tkazilayotgan Osiyo chempionatining yarim final bahslari yakunlandi, deb xabar beradi O`zA.

Chempionatning 52 kilogramm vazn toifasida mamlakatimiz sharafini himoya qilayotgan Jasurbek Latipov qozog`istonlik Azamat Issaqulovni mag`lubiyatga uchratgan bo`lsa, 56 kilogramm vazn toifasida qatnashayotgan Murodjon Ahmadaliev Janubiy Koreya vakili Yon Xun Xanga qarshi ringga ko`tarildi va ikkinchi raundda raqibini nokautga uchratdi.

81 kilogramm vaznda jang o`tkazayotgan Bektemir Meliqo`ziev xitoylik Xuan Jyabinga qarshi jangda muddatidan oldin zafar quchdi. Vazni 91 kilogrammdan ortiq bo`lgan Bahodir Jalolov suriyalik Muhammad Mulaesni engdi.

Shuningdek, sportchilarimizdan Hasanboy Do`smatov hindistonlik Amit, Iqboljon Xoldorov qozog`istonlik Bekdavlat Ibragimov, Isroil Madrimov qozog`istonlik Abilxon Amankul, Elnur Abduraimov xitoylik Jun Shan, Shahram G`iyosov esa eronlik Sajjad Kozimzodaposh ... Читать дальше »

Категория: Qiziqarli sport yangiliklari / futbol xabarlari |  Добавил: Admin | Дата: 06.05.2017 | Комментарии (0)


Shu kunlarda Qatar poytaxti Doha shahrida o`quv-mashg`ulotlar yig`inini o`tkazayotgan O`zbekiston U-22 terma jamoasi bugun, 23 mart kuni Qatar U-22 termasiga qarshi bahs olib bordi.

“Xamad Bin Halifa” stadionida o`tkazilgan bellashuvda Jasur Abduraimov bosh murabbiyligidagi jamoa 3:1 hisobida zafar quchdi. O`zbekiston U-22 safida barcha gollarga Zabihillo O`rinboev mualliflik qildi.

O`zbekiston U-22 terma jamoasi navbatdagi o`rtoqlik uchrashuvini Kanada yoshlariga qarshi o`tkazadi. Ushbu o`yin 25 mart, shanba kuni bo`lib o`tadi.

Mazkur o`quv-mashg`ulotlar yig`ini Jasur Abduraimov jamoasi uchun 2018 yili Xitoyda bo`lib o`tadigan U-23 Osiyo chempionatiga saralash bosqichi uchun tayyorgarlik vazifasini o`taydi.

O`rtoqlik uchrashuvi
Qatar, Doha
23 mart, payshanba

Qatar U-22 – O`zbekiston U-22 — 1:3

Gollar: Zabihillo O`rinboev (1, 55, 60)

O`zbekiston: Botirali Ergashev (Umid Ergashev, 85 ... Читать дальше »

Категория: Qiziqarli sport yangiliklari / futbol xabarlari |  Добавил: Admin | Дата: 24.03.2017 | Комментарии (0)


Real Madrid” jamoasi rahbariyati Shvesiyaning AIK klubi hujumchisi Aleksander Isakni o`z safiga qo`shib olmoqchi. Bu haqda Mirror nashri xabar berdi.

Ma`lumotlarga ko`ra, futbolchining transferi uchun madridliklar 10 million evrodan voz kechishga tayyor. “Qirollik klub” 17 yoshli futbolchi bilan shu haftada shartnoma imzolashni kutilmoqda.

Futbolchining agenti ertaga, 18 yanvar kuni Ispaniyaga kelishi ko`zda tutilgan. “Real” yangi futbolchilarni sotib olishga qo`yilgan ta`qiq tufayli Isakni asosiy tarkibga qo`sha olmaydi.

Shu sababli futbolchi yozda “Real” o`rinbosarlari bo`lgan “Kastilya” safida vaqtincha to`p suradi.

Категория: Qiziqarli sport yangiliklari / futbol xabarlari |  Добавил: Admin | Дата: 31.01.2017 | Комментарии (0)


“Manchester Siti” klubi “Barselona” jamoasi hujumchisi Lionel Messi transferi uchun rekord mablag` sarflashga tayyor. The Sun gazetasi tarqatgan xabariga ko`ra, “shaharliklar” argentinalik futbolchi uchun 100 million funt bermoqchi.

Manbada yozilishicha, ingliz klubi vakillari transfer borasida muzokaralar o`tkazish uchun “Barselona” rahbariyatiga ogohlantirgan, biroq bu borada rasmiy taklif bilan chiqmagan.

Ayni damda rekord transfer Pol Pogbaga tegishli bo`lib, u o`tgan yili yozda 89 mln funt evaziga “Yuventus”ni “Manchester Yunayted”ga almashtirgan edi. Messi bu mavsum kataloniyaliklar safida 24 uchrashuvida maydonga tushib, 27 gol (9 pas)ga mualliflik qilgan.

Категория: Qiziqarli sport yangiliklari / futbol xabarlari |  Добавил: Admin | Дата: 31.01.2017 | Комментарии (0)


Italiya terma jamoasi va “Roma” klubi hujumchisi Stefan El-Shaaravi “Torino”ga qarshi kechgan va rimliklarning 1:3 hisobidagi mag`lubiyati bilan yakunlangan Italiya chempionati 6-turidan so`ng yo`l-transport hodisasi ishtirokchisiga aylandi.

ESPN FC portalining xabar berishicha, 23 yoshli futbolchi jamoaning mashg`ulotlar bazasidan qaytayotgan bo`lgan. Italiyalik futbolchi o`zining Audi A3 avtomobilida Fiat Panda mashinasi bilan to`qnashib ketdi.

Futbolchiga jiddiy jarohat etkazilmadi. Fiat Panda avtomobilining 40 yoshli hafdovchisi bo`yin va umurtqa pog`onasidagi jarohatlar bilan shifoxonaga yotqizildi.

Категория: Qiziqarli sport yangiliklari / futbol xabarlari |  Добавил: Admin | Дата: 31.01.2017 | Комментарии (0)


The Telegraph nashri dunyoning eng ko’p maosh oluvchi murabbiylari ro’yhatini tayyorladi. Unga ko’ra «Manchester Siti» bosh murabbiyi Hosep Gvardiola 15,3 million funt bilan birinchi o’rinda joylashgan.

Eng ko’p maosh oluvchi murabbiylar. Top-10.

1. Hosep Gvardiola («Manchester Siti») – 15,3 mln funt.

2. Karlo Anchelotti («Bavariya») – 12,6 mln.

3. Joze Mourinyo («MYu») – 12,3 mln.

4. Arsen Venger («Arsenal») – 8,9 mln.

5. Luis Enrike («Barselona») – 7,2 mln

6. Yurgen Klopp («Liverpul’») — 7 mln.

7. Antonio Konte («Chelsi») — 6,6 mln,

8. Ronal’d Kuman («Everton») – 6 mln,

9. Diyego Simeone («Atletiko») – 5,1 mln.

10. Zaynidin Zidan («Real») – 4,6 mln.

Kuchli o’nlikda APLning 6 vakili, Ispaniya chempionatining 3 vakili va Bundesliganing 1 vakili o’rin olgan.

Категория: Qiziqarli sport yangiliklari / futbol xabarlari |  Добавил: Admin | Дата: 31.01.2017 | Комментарии (0)

1 2 »