Воскресенье, 24.06.2018, 02:39
Приветствую Вас, Гость
Главная » 2018 » Май » 30 » 3 qavatli rulet — saharlik uchun maxsus resept!
00:01
3 qavatli rulet — saharlik uchun maxsus resept!

Zarur masalliqlar: qiyma uchun: 800 gr. mol go`shti qiymasi, yarim bosh piyoz, 1 dona tuxum, 1 bo`lak sarimsoqpiyoz, 2 osh qoshiq non tolqoni, tuz, murch; ichiga solishga: 200 gr. tuzlangan qo`ziqorin, yarim bosh piyoz, 1–2 bo`lak brokkoli, 1 dona tuxum, 1 osh qoshiq non tolqoni, o`simlik yog`i, tuz, murch; quymoq uchun: 3 dona tuxum, o`simlik yog`i, tuz.

Tayyorlanishi: 1. Avvalo go`sht qiymasiga maydalangan piyoz va sarimsoqpiyoz, tuxum, non tolqoni, tuz va murchni qo`shib, yaxshilab aralashtiring.

2. Tuxumga tuz qo`shib, engil ko`pirtiring-da, ozgina o`simlik yog`i solib qizdirilgan kattaroq tovada pishirib oling.

3. Tuzlangan qo`ziqorin va piyozni maydalab to`g`rab, o`simlik yog`ida qovuring. Brokkoli gullarini 3 daqiqa tuzli suvda qaynatib olib, so`ngra maydalab to`g`rang-da, qo`ziqoringa qo`shing. Tuxum, tuz va non tolqonini qo`shishni µam unutmang.

4. Zar qog`ozni gaz patnisi ustiga joylang-da, go`shtli qiymanisoling. 2 sm. qalinlikda yoyib, yarim oy shaklida bo`lingan quymoqlarni bir tomoniga qo`ying.

5. Ustidan qo`ziqorinli qiymani solib, rulet shaklida o`raysiz. Zar qog`ozning ikki tomonini yaxshilab yoping. Ruletimiz 200 darajada qizdirilgan gaz pechida 50 daqiqada pishadi. Ammo belgilangan vaqt o`tgach zar qog`ozni ochib, rulet ustiga ziravorlardan sepib, yana 10 daqiqa gaz pechida qoldirishingiz mumkin.

6 kishilik

1 soatu 40 daqiqa
Manba: Darakchi.uz
Категория: Qiziqarli / pazandalik sirlari / ayollar oshxonasi | Добавил: Админ | Теги: 3 qavatli rulet — saharlik uchun ma | Рейтинг: 0.0/0
Всего комментариев: 0
avatar